SKILJUM (við) VERKINA:
Valdeflandi vinnustofa
Þetta er hálfs dags vinnustofa þar sem þátttakendur fá valdeflandi fræðslu, vinna verkefni og fá verkfæri sem þau geta strax byrjað að vinna með í daglegu lífi.
Skiljum (við) verkina er valdeflandi nálgun fyrir fólk sem býr við langvinna verki eða heilsufarseinkenni sem draga úr lífsgæðum þeirra – og hefur áhuga á að læra um samband heilans og verkjaboða og hvernig hægt er að virkja hugann til að draga úr eða jafnvel rjúfa verkjaboðin.
Yfirskriftin er orðaleikur sem vísar annars vegar til þess hve mikilvægt og valdeflandi það er að skilja hvað verkir og verkjaboð eru – og hins vegar til þess að hægt sé að skilja við verkina, þ.e. markmiðið er ekki að lifa með verkjunum heldur að gjörbreyta sambandinu við þá og að læra aðferðir byggðar á taugavísindum og jákvæðri sálfræði, sem geta brotið upp langvinn verkjamynstur og jafnvel náð að rjúfa verkjaboðin.
Mikilvægt er að ítreka að þessi nálgun fjallar ekki um að verkir séu huglægir – allir verkir eru raunverulegir verkir, en undirliggjandi orsök getur verið mismunandi.
Hér fyrir neðan er listi frá Pain Reprocessing Therapy Center yfir einkenni sem algengt er að séu taugamótuð. Ath. að flest þessi einkenni geta líka verið vegna kerfislægra sjúkdóma/structural disease processes. (Hér er PDF skjal með þessum lista)
Á vinnustofunni fræðast þátttakendur fræðast um verki, taugakerfið og taugamótaða verki, ásamt því að vinna verkefni sem hjálpa þeim að skilja eigið verkjamynstur og fá verkfæri til að vinna með áfram til að bæta heilsu sína og vellíðan.
Efnið byggir á þekkingu um mótanleika heilans (e. neuroplasticity) og hvernig hægt er að beita henni í tengslum við langvinna verki. Farið er í lífeðlisfræði streitu og vellíðunar og hvernig taugakerfi okkar virkar. Unnir er með sannreyndar aðferðir jákvæðrar sálfræði sem miða að því að skapa innra öryggi, auka skilning og stjórn á tilfinningum og efla jákvætt hugarástand. Ásamt því er farið yfir heilsueflandi lífsstíl og hvernig við getum stutt við líkamann í daglegu lífi.
Nálgunin byggir á aðferðum jákvæðrar sálfræði, PRT verkjaendurferlunar (Pain Reprocessing Therapy), markþjálfunar og jóga.
Smelltu á hnappinn hér fyrir neðan til að skrá þig á biðlista fyrir næstu vinnustofu.
„Sóley og Edda eru með mjög þægilega nærvera, brosmildar og nærgætnar. Mæli svo sannarlega með vinnustofunni því að hún er nákvæm og fræðandi ásamt því að gefa tól og tæki til að halda áfram að vinna með þá hluti sem er farið yfir”
„Þessi vinnustofa vakti með mér von um að geta losnað við mígreni sem hefur fylgt mér síðan ég var barn. Leiðbeinendur skemmtilegir og komu efninu vel frá sér og það var gott að fá leiðbeiningar um hvernig sé hægt að vinna með þetta áfram.“
– Eyja Margrét Jóhönnu Brynjarsdóttir
Opnar augun fyrir nýjum veruleika. Þið sýndu hvernig hægt er að hafa áhrif á hugsanir og verki. Deilduð ykkar reynslusögum sem hefur alltaf áhrif . Þið eru með góða nærveru og myndið gott traust.
– Sif Beckers
KL. 10-12: SKILJUM VERKINA
Fræðslufyrirlestrar um verki, heilann, taugakerfið og taugamótanleika
þátttakendur fá verkefni og æfingar til að skoða eigið verkjamynstur
12-13: Hádegishlé
13-15: SKILJUM VIÐ VERKINA
Fræðsla um aðferðir til að endurtengja taugabrautir verkjanna
Valdeflandi verkefni og æfingar
—-
Þátttakendur fá möppur með stuðningsefni til að taka með sér heim eftir vinnustofuna
Hér má hlusta á útvarps viðtöl við okkur bæði í þættinum Í bítið á Bylgjunni og í Mannlega þættinum á RÚV – og blaðaviðtal á vísi.is.
Hér má lesa grein sem fjallar um nálgun okkar. Smelltu á myndina til að lesa greinina.
Sóley Stefáns
Sigrúnardóttir
Sóley er grafískur hönnuður, heilsumarkþjálfi, jógakennari og PRT meðferðaraðili (Pain Reprocessing Therapy). Hún er með BA í guðfræði og kynjafræði og MA diplóma jákvæðri sálfræði við HÍ.
Heilsan hefur lengi verið mér áskorun og undanfarin ár hef ég lagt stund á ýmiskonar heilsutengd fræði í leit að leiðum til að endurheimta heilsuna og byggja hana upp. Ég hef reynt á eigin skinni hvaða umbreytingu er hægt að ná með þekkingu á líkamanum, hugarvinnu og nærandi lífsstíl.
Ég hef lengst af starfað sem grafískur hönnuður en nú nýti ég sköpunarkraftinn í að styðja fólk við að hanna sína vegferð í átt að bættri heilsu og velsæld í lífinu.
Edda Björk
Pétursdóttir
Edda er markþjálfi frá Gothia Akademi í Svíþjóð, jógakennari og PRT meðferðaraðili (Pain Reprocessing Therapy). Hún er með BA í félagsfræði og MA diplóma í jákvæðri sálfræði við HÍ.
Í kjölfar veikinda og áfalla dreymir mig um að tengja saman jákvæða sálfræði við markþjálfun og jóga og skapa þannig uppbyggilegan vettvang til að bæta vellíðan og heilsu fólks.
Mitt markmið er að hjálpa fólki að lifa innihaldsríku og skapandi lífi og vekja fólk til umhugsunar hvað það er í raun sem skiptir mestu máli. Allt þetta hefur hjálpað mér að móta hugmyndir mínar, bæði þegar kemur að persónulegri framþróun, þroska og mögulegri nýsköpun.
Einnig er hægt að panta vinnustofu eða fyrirlestur t.d. fyrir hópa eða vinnustaði. Ef þú hefur áhuga, skrifaðu okkur póst og við verðum í sambandi.