er valdeflandi og nærandi nálgun fyrir fólk sem býr við langvinna verki og hefur áhuga á að fræðast um samband heilans, taugakerfisins og verkja – og hvernig hægt er að virkja hugann til að endurmóta taugabrautir heilans og draga þannig úr eða jafnvel rjúfa þrálát verkjamynstur
heilinn er mótanlegur alla ævi
Yfirskrift námskeiðsins er orðaleikur sem vísar annars vegar til þess hve mikilvægt og valdeflandi það er að skilja hvað verkir og verkjaboð eru – og hins vegar til þess að hægt sé að skilja við verkina.
Markmiðið er ekki að lifa með verkjunum heldur að gjörbreyta sambandinu við þá og beita aðferðum, sem byggja á þekkingu um mótanleika heilans, til að brjóta upp langvinn verkjamynstur, draga úr óttaviðbragði í daglegu lífi og endurstilla bæði taugakerfið og hugarfarið.
Nálgunin byggir á gagnreyndum aðferðum PRT verkjaendurferlunar (Pain Reprocessing Therapy), jákvæðrar sálfræði, markþjálfunar og jóga.
Mikilvægt: Taugamótaðir verkir eru jafn raunverulegir og sársaukafullir og aðrir verkir og eru ekki 'bara í huganum' - en leiðin til bata er ólík.
Netnámskeiðið er opið og þú stýrir ferðinni, þú getur byrjað þegar þér hentar og tekið námskeiðið á þínum hraða. Þú hefur aðgang að öllu efni í 6 mánuði, en ásamt því getur þú hlaðið niður öllum fylgiskölum og verkefnum til að eiga, bæði PDF og hljóðskrám. Við bjóðum upp á opna mánaðarlega Zoom fundi fyrir spurningar og svör, sem eru auglýstir með góðum fyrirvara.
Ef þú vilt aukinn stuðning er er alltaf möguleiki að bæta við einkatímum hjá Sóley í PRT verkjaendurferlun og heilsumarkþjálfun og hjá Eddu í markþjálfun með áherslu á jákvæða sálfræði.
Hér fyrir neðan má sjá nánara yfirlit yfir vikulegt efni námskeiðsins.
Þrátt fyrir að við notum orðið ‘verkir’, getur nálgun námskeiðsins verið áhrifarík við margskonar þrálátum heilsufarseinkennum, þar sem rót vandans gæti legið í heila- og taugakerfi (taugamótuð einkenni / neuroplastic symptoms). Dæmi um slík einkenni eru:
iðraólga – maga og meltingareinkenni – kvíði – þunglyndi – síþreyta – svefnleysi – áfallastreituröskun – svimi – vefjagigt – ofurnæmi (snerting, hljóð, lykt, matur) – þrálátur ofsakláði – mígreni – Staðbundin verkjanæming – áráttu og þráhyggjuröskun – átröskun – piriformis einkenni
– POTS – Kjálkaverkir – Spennuhöfuðverkir – Tinnitus – Vulvodynia – hálstognun / Whiplash syndrome
Hér má sjá lista frá Pain Reprocessing Therapy Center yfir einkenni sem þau tiltaka að geti verið taugamótuð.
* Ath. að öll þessi einkenni geta líka verið vegna kerfislægra sjúkdóma.
Í fyrri hluta námskeiðsins beinum við sjónum okkar í ríkari mæli að því að skilja verkina. Að fræðast og byggja grundvöll fyrir því að geta mögulega skilið við verkina. Þó fléttast viðfangsefnin auðvitað alltaf saman í gegnum allt námskeiðið.
Við skoðum í upphafi hvernig langvinnir verkir og heilsufarsvandamál geta haft áhrif á hlutverk okkar í lífinu, eiginleika okkar og tilfinningar ásamt stöðu okkar í því félagslega samhengi sem við lifum í.
Hver manneskja er einstök og vegferð þín á námskeiðinu hefst á því að staldra við, taka stöðuna í upphafi og kortleggja:
Þessi grunnvinna er mikilvæg til að allt efni námskeiðsins nýtist þér sem best í samhengi við þín einkenni og þínar aðstæður.
Við förum yfir nýja og spennandi þekkingu taugavísindanna um heilann og samband heilans og verkja (og annarra heilsufarseinkenna sem tengjast taugakerfinu).
Þú fræðist m.a. um:
Þú færð verkefni sem hjálpar þér að vinna með efnið út frá þínum einkennum og aðstæðum.
Við höldum áfram að fjalla um samband heilans, taugakerfisins og verkja og beinum sjónum að huganum.
Þú fræðist m.a. um:
Þú færð verkefni til að skoða og vinna með þinn huga í tengslum við þín einkenni og upptöku sem hjálpar þér að vinna með samband þitt við verkina/einkennin.
Hér verða tilfinningarnar í sviðsljósinu. Við fjöllum um hvað tilfinningar eru, samband heilans og tilfinninga, hvaða hlutverki þær gegna og skoðum hvernig þær hafa áhrif á verki og einkennamynstur.
Þú fræðist m.a. um:
Þú færð upptöku sem styður þig við að skoða og skynja tilfinningar. Þú færð stuðningefni sem styður þig í að auka tilfinningalæsi þitt.
Í viku fimm beinum við sjónum okkar í ríkari mæli að þáttum sem styðja okkur í því verkefni að skilja við verkina.
Við fjöllum um mikilvægi þess að skapa sér sýn og stilla þannig áttavitann þangað sem við viljum stefna. Til að byggja grunninn að því vinnum með að greina grunngildi og styrkleika.
Sýnt hefur verið fram á að fólk sem þekkir gildi sín og lifir í samræmi við þau er líklegra til að búa við velsæld og góða heilsu. Þegar við tökum ákvarðanir, eða hegðum okkur á skjön við gildi okkar, getur það valdið streitu og kvíða.
Þú fræðist m.a. um:
Þú færð verkefni sem styður þig í að greina gildi þín og styrkleika og móta þér sýn.
Við skoðum mikilvægi þess að sýna sér mildi í daglegu lífi og getuna til að staldra við og spyrja sig hvers þarfnast ég núna? Við skoðum hvernig hægt er að endurmóta taugabrautir verkjanna í gegnum milt jóga sem eflir innra skyn og tengsl við líkamann.
Þú fræðist m.a. um:
Þú færð verkefni sem hjálpar þér að skoða samkennd þína í eigin garð og leiðir til að vinna með hana. Ásamt því færð þú upptöku með jóga nidra djúpslökun.
Síðustu tvær vikurnar beinum við sjónum okkar að mikilvægi lífsstílsins. Við skoðum lífsstílinn á heildrænan hátt og hvernig við getum stutt við líkamann og heilsuna almennt.
Þú fræðist m.a. um:
Þú færð verkefni til að kortleggja þinn lífsstíl og skoða hvað er gott og hvað þig langar til að vinna með og bæta.
Við fjöllum áfram um heilsuvænan lífsstíl og tökum saman mikilvæga punkta eftir námskeiðið. Við fögnum þeirri umbreytingu sem þú hefur náð eftir vegferð námskeiðsins og hvernig þú getur mótað næstu skref til að byggja heilsu þína áfram upp og halda henni á góðum stað.
Sóley er grafískur hönnuður, heilsumarkþjálfi, jógakennari og meðferðaraðili í Verkjaendurferlun (Pain Reprocessing Therapy). Hún er með BA í guðfræði og kynjafræði og MA diplóma jákvæðri sálfræði við EHÍ.
Ég hef lengst af starfað sem grafískur hönnuður en nú á það hug minn allan að styðja fólk við að skapa sína vegferð út úr langvinnum verkjum og heilsufarsvanda í átt að bættri heilsu og getu til að lifa til fulls.
Eftir að hafa prófað nánast ‘allt undir sólinni’ án þess að ná bata, fann ég rót vandans; verkirnir og einkennin mín voru taugamótuð. Ég náði bata með því að endurþjálfa heilann og taugakerfið, ásamt því að lifa heilsuvænum lífsstíl. Ég hef reynt á eigin skinni hve mikil áhrif við sjálf getum haft á eigin heilsu með því að vinna með heilann, hugarfarið og lífsstílinn.
Edda er markþjálfi frá Gothia Akademi í Svíþjóð, jógakennari og meðferðaraðili í Verkjaendurferlun (Pain Reprocessing Therapy). Hún er með BA í félagsfræði og MA diplóma í jákvæðri sálfræði við EHÍ.
Markmið mitt er að tengja saman jákvæða sálfræði við markþjálfun og jóga og skapa þannig uppbyggilegan vettvang til að bæta vellíðan og heilsu fólks. Hjálpa fólki að lifa innihaldsríku og skapandi lífi og vekja fólk til umhugsunar um hvað það er í raun sem skiptir mestu máli.
Ég hef upplifað á eigin skinni að með bjartsýni, jákvæðni og von að leiðarljósi er hægt að hugsa í lausnum og byggja sig upp. Það má rækta með sér forvitni og eiginleikann að prófa sig áfram í átt að betra jafnvægi og aukinni vellíðan.
Einnig er hægt að panta vinnustofu eða fyrirlestur t.d. fyrir hópa eða vinnustaði. Ef þú hefur áhuga, skrifaðu okkur póst og við verðum í sambandi.