Sóley - einkatímar - Heilsuhönnun

Hönnum ný

Heilandi mynstur!

Ég nálgast heilsueflingu með skapandi, valdeflandi og heildrænu hugarfari. Ég býð bæði upp á PRT-verkjaendurferlun (Pain Reprocessing Therapy) og heildræna heilsumarkþjálfun og nýti öflugar aðferðir jákvæðrar sálfræði og jóga eftir því sem við á.

PRT-verkjaendurferlun

PAIN REPROCESSING THERAPY

Þegar verkir hafa verið til staðar í meira en 3-6 mánuði er talað um langvinna verki. Ef engin afgerandi orsök hefur verið greind eru töluverðar líkur á að rót vandans liggi í heilanum og taugakerfinu; að verkirnir séu taugamótaðir.

Þá getur leiðin til bata falist í að meðhöndla heilann.

Taugavísindin hafa sýnt fram á að allir verkir eiga sér uppruna í heilanum. Verkir eru viðvörunarmerki sem heilinn notar til að vara okkur við hættu og halda okkur á lífi. Þegar verkir verða langvinnir er hættan oft yfirstaðin en taugabrautir verkjanna virkjast áfram.

Mikilvægt

Taugamótaðir verkir eru jafn raunverulegir og sársaukafullir og aðrir verkir og eru ekki 'bara í huganum' - en leiðin til bata er ólík.

PRT verkjaendurferlun (Pain Reprocessing Therapy) er árangursrík aðferð og í raun hraðvirk þegar um taugamótaðan verk eða einkenni er að ræða, því hún beinist beint að rót vandans, sem er heilinn og taugakerfið. Ýmis konar líkamsmeðferðir geta hjálpað við að létta á verkjum, en til að losna við þá þarf að breyta túlkun heilans á hættu og endurmóta mynstrin sem hafa teiknast upp.

Rannsókn sem gerð var á PRT meðferð á hópi fólks sem átti við þráláta bakverki að stríða sýndi að 66% þátttakenda losnuðu alveg, eða nánast alveg við verkina og 98% fundu fyrir einhverjum bata – og árangurinn var enn til staðar ári seinna. Starfræn segulómun á heila (fMRI) sýndi að dregið hafði úr virkni á verkjatengdum svæðum í heilanum eftir meðferðina.

Vertu velkomin í kynningartíma ef þú átt við langvinna verki eða einkenni sem gætu tengst taugakerfinu og telur að þetta sé eitthvað sem gæti gagnast þér.

Kynningartíminn er á hálfu verði kr. 9.500 – ef þú tengir við þetta og ákveður að taka átta vikna PRT- verkjaendurferlun er kynningartíminn innifalinn.

Um Sóley

Ég hef lengst af verið grafískur hönnuður en hætti því starfi vegna verkja. Nú tek ég mér starfsheitið heilsuhönnuður og það á hug minn allan að vinna með fólki við að móta sína leið frá langvinnum verkjum og heilsufarsvanda til bættrar heilsu og vellíðanar.

Ef þú vilt lesa nánar um minn bakgrunn og heilsusögu geturðu smellt hér.

Menntun

Hönnuður, Listaháskóli Íslands – BA

MA diplóma í Jákvæðri sálfræði – Endurmenntun HÍ

Meðferðaraðili í PRT – verkjaendurferlun (Pain Reprocessing Therapy)

Heilsumarkþjálfi – IIN –Integrative Nutrition

Hatha jóga kennari í anda Scaravelli – Yoga Health Mandala

Anatómía fyrir jógakennara með Gary Carter

Jóga Nidra Advanced kennari – Integrative Amrit Institute

Kundalini jóga kennari – Andartak, jógastöð

BA í Guðfræði og kynjafræði – HÍ

Nánari innsýn

Hér er fallegt og fræðandi myndband frá dr. Lorimer Moseley; sjúkraþjálfara, taugavísindamanni og verkjasérfræðingi, um mikilvægi þess að breyta því hvernig við mætum fólki með langvinna verki og hvernig við meðhöndlum verkina.

Hér má sjá stutta sjónvarps umfjöllun um mann sem náði bata með PRT- verkjaendurferlun eftir áralanga baráttu við langvinna verki.

Gagnast við fleiru en verkjum

PRT verkjaendurferlun getur verið áhrifaríkt fyrir margskonar heilsuvanda sem tengist taugakerfinu, ekki eingöngu gagnvart verkjum. Hér má hlaða niður PDF skjali með þýddum lista frá Pain Reprocessing Therapy Center yfir einkenni sem algengt er að séu taugamótuð og PRT meðferðin gæti gagnast við. Ath. að flest þessi einkenni geta líka verið vegna kerfislægra sjúkdóma (structural disease processes) og því verður alltaf að skoða heildarsamhengið.

Heildræn heilsuhönnun & markþjálfun

Við setjum heilsuna á teikniborðið og vinnum heildrænt með að skoða þín daglegu mynstur, bæði hugarfarið og lífsstílinn og mótum leiðir sem passa þér til að koma heilsunni á góðan stað. Þetta er ekki skyndiátak eða fyrirfram mótað plan sem þú átt að fylgja. Við skoðum hvar þú ert og hvaða skref passar þér að taka í átt að bættum lífsstíl og heilsu. Það tekur tíma að gera breytingar sem eiga að hafa varanleg áhrif.

Til að styðja þig á þinni heilsuvegferð nýtum við, eftir því sem við á:

Allt í daglegu lífi okkar hefur áhrif á heilsuna. Það er hægt að ná fram umbreytingu á heilsufari með því að gefa sér tíma til að staldra við, kanna undirliggjandi orsakir og vinna með breytingar á hugarfari og lífsstíl sem efla heilsuna og styðja við heilunarmátt líkamans.

Við vitum öll að það er hægara sagt en gert að breyta.

Við vitum svo margt sem við ‘ættum’ að gera en gerum ekki. Okkar daglega líf byggir að mestu á vanabundinni hegðun sem erfitt getur verið að breyta. Það getur skipt sköpum að fá stuðning við að greina ljónin í veginum og aðferðir til að fást við þau. Í heilsumarkþjálfun er þér ekki sagt hvað þú átt að gera, heldur snýst hún um að mæta þér þar sem þú ert – og styðja þig í að greina hvað þú þarft til að koma þér og líkama þínum í jafnvægi og byggja upp góða heilsu.

Þú færð stuðning, hvatningu, innblástur og fræðslu – og valdeflist til að gerast þinn eigin heilsuhönnuður.

Heilsuhönnun og heilsumarkþjálfun eru aðferðir sem byggja á sköpunarkrafti og bjartsýni. Við vinnum í möguleikavíddinni – með ótakmarkaða trú á að það séu til leiðir til að leysa vanda eða umbreyta og komast á betri stað.
Bókaðu kynningarsamtal ef þú telur að þetta gæti gagnast þér.

Kynningartíminn er á hálfu verði kr. 9.500 – ef þú tengir við þetta og ákveður að taka þriggja mánaða heilsuhönnun & markþjálfun er kynningartíminn innifalinn.