Um ómega-3 &
EQ Pure Arctic olíuna

hjartað

Heilann

Sjónina

ónæmis-
kerfið

vöðvana

blóðfitu og -þrýsting

fjölþætt virkni

Ég hef lengi vitað að lýsi er talið mikilvægt fyrir líkamann. Í því eru ómega-3 EPA og DHA fitusýrurnar sem finnast aðallega í fiski og þörungum. Lengi vel veitti ég þessu þó ekki mikla athygli. Mér fannst alltaf erfitt að taka inn lýsi vegna bragðsins, en tók ómega-3 belgi af og til og belgi með ýmsum ómega blöndum, en fann aldrei neinn mun á að taka það, annan en bara þann huglæga að þetta væri örugglega gott fyrir mig. Ég hafði ekki glöggvað mig nægilega vel á því af hverju ómega-3 er svona mikilvægt.

Eftir að hreyfifræðingur sem ég var hjá kom mér á EQOLOGY olíuna (sem er fyrsta fljótandi lýsið sem ég get hugsað að taka inn og mér finnst bara hreint ljúffengt, og engin fiskibragðsropi eftir á!) og ég fór að finna fyrir góðum áhrifum hennar á líkamann, verkina, hreyfigetuna og fleira fór ég að veita þessu efni meiri athygli. Stuttu síðar skellti ég mér í nám í heilsumarkþjálfun og þar fjallaði hver sérfræðingurinn á fætur öðrum um mikilvægi ómega-3 (sérstaklega EPA og DHA fitusýranna) fyrir heilann, hjarta og æðar, frumuhimnurnar, ónæmiskerfið, vöðva og liði og virkni þess í að draga úr bólgumyndun.

Ég hef svo lagst í að lesa rannsóknir og dýpka skilning minn, af eigin forvitni og til að geta miðlað efninu betur. Magnið af rannsóknum sem sýna fram á mikilvægi ómega-3 fyrir líkamann er gríðarlegt og þau heilsuáhrif sem mörg finna sem taka inn gott ómega-3 bætiefni, eins og á t.d. verki, húð, sjón og heilaheilsu er sannfærandi. En eins og í öllum vísindum er ljóst að það er margt sem við vitum ekki og rannsóknir sýna alls kyns misvísandi niðurstöður. Þannig að hver verður alltaf að ákveða fyrir sig hvað þeim finnst trúverðugast.

Þau atriði sem virðast skipta mestu máli eru í fyrsta lagi magn ómega-3 EPA og DHA fitusýranna í blóðinu, að hlutfallið fari yfir 8% – í öðru lagi hvernig hlutföll ómega-3 og ómega-6 eru í líkamanum og í þriðja lagi eru það gæði ómega-3 bætiefnanna eru sem tekin eru inn.

Ég hvet fólk til að glöggva sig á mikilvægi ómega-3 og hvort það sé að fá nægilegt magn EPA og DHA í kroppinn þannig að hlutfallið í blóðinu fari yfir 8% – og að hafa hlutföll ómega-3 og ómega-6 sem jöfnust. Magn ómega-3 í blóðinu og hlutföll ómega-3:6 eru talin hafa áhrif á bólgusvarið í líkamanum og þrálátar bólgur eru mögulega undirliggjandi orsök margkonar veikinda (sjá t.d. hér og hér).

Fræðsla um lykilþætti:

ómega-3 og ómega-6 eru lífsnauðsynlegar fitusýrur

Líkaminn getur ekki framleitt ómega-3 og ómega-6 fitusýrur og verður að fá þær úr fæðunni. Omega-3 og omega-6 fitusýrur eru mikilvægar fyrir framleiðslu svokallaðra prostaglandina í líffærunum. Það eru hormónar sem stjórna margvíslegri starfsemi eins og bólgum og sársauka. Sjá nánar um þetta t.d. hér á hjartalif.is og hér og á EUFIC (The European Food Information Council).

Ómega-3 fitusýrur finnast bæði í sjávarmeti og í jurtaríkinu. Af sjávarmeti er hæsta hlutfallið í feitum fiski eins og laxi, síld, sardínum, makríl, ansjósum, ostrum og kavíar. Í jurtaríkinu eru t.d. hörfræ, chia fræ, valhnetur, pekanhnetur, hampfræ, soja baunir og sjávargróður með hátt hlutfall. (sjá t.d. hér). Líkaminn nær þó ekki að vinna mikilvægu EPA og DHA fitusýrurnar úr jurtaríkinu nema í litlum mæli og því mikilvægt að fá þær úr sjávarmeti, fiski eða sjávargróðri.

Ómega-6 finnst í ríkum mæli t.d. í möndlum, valhnetum, pekan hnetum, jarðhnetum, sesamfræjum, soja baunum og tófú, hampfræjum og sólblómafræjum, og í mörgum matarolíum sem unnar eru úr ofannefndum jurtum, eins og sojaolíu, sólblómaolíu og maísolíu. Unnin matvæli eru yfirleitt há í ómega-6. Við vinnsluna er mjög algengt að nota jurtaolíur sem háar í ómega-6, t.d. til djúpsteikingar.

Hér má sjá hlutföll ómega-3 og ómega-6 í fjölda matvæla.

Hver er munurinn á ómega-3 og ómega-6?

Líkaminn breytir ómega-3 m.a. í EPA og DHA sýrur (eicosapentaensýrur og docosahexaensýru), sem líkaminn notar m.a. til að búa til hormón sem hindra bólgur, víkka út æðar og draga úr segamyndun eða blóðstorknun.

Líkaminn breytir ómega-6 m.a. í línólsýrur og arakídónsýrur sem líkaminn notar m.a. til að búa til hormón sem mynda bólgur, draga saman æðar og auka segamyndun eða blóðstorknun.

Þessi virkni er hvor um sig mjög mikilvæg fyrir líkamann og að hann hafi þessar sýrur aðgengilegar í sem jöfnustum hlutföllum.

Ástæðan á bak við áhersluna á ómega-3 og að taka inn lýsi er tilkomin vegna þess að mataræði okkar hefur breyst og algengt er að það skorti ómega-3 í mataræðið en ómega-6 er neytt í óhóflegu magni. Talið er ómega-3 og ómega-6 hafi verið í nokkuð jöfnum hlutföllum í líkamanum, 1-3 af ómega-6 á móti 1 af ómega-3. Í dag er algengt að hlutföllin séu 10-30 af ómega-6 á móti 1 af ómega-3. Það þýðir að efnið sem líkaminn notar til bólgumyndunar er 10-30 sinnum meira en það sem hann notar til að draga úr bólgum.

hlutföll ómega-3 og ómega-6 eru mikilvæg

Hlutföll ómega-3 og ómega-6 fitusýra skiptir máli og að þau hlutföll séu sem jöfnust. Líkaminn þarf að geta nýtt þær í sinni starfsemi, bæði til að búa til bólgur þegar þarf og draga svo úr bólgum. Ef hlutfall ómega-6 sýranna verður of hátt fara þess til gerð ensím í að vinna þær og skortur verður á þeim til að vinna lífsnauðsynlegu EPA og DHA fitusýrurnar sem eru svo mikilvægar fyrir frumurnar, hjartað, æðarnar, heilann, taugakerfið, nýrun vöðva og liði og fleira.

Vandi okkar í dag er að nútíma mataræði er svo ríkt af ómega 6 en skortir ómega-3 og sumir telja það eina af undirliggjandi orsök margra bólgusjúkdóma sem margir glíma við í dag. Úr grein um ómega-3 og ómega-6 Vísindavefnum: „Ákveðin ensím eru nauðsynleg fyrir myndun EPA og DHA úr ómega-3. Ómega-6 keppir við ómega-3 um þessi ensím. Ef hlutfallslega lítið er til staðar af ómega-3 miðað við ómega-6, dregur úr myndun EPA og DHA. Þar með minnkar framleiðsla á eikósanóíðum sem víkka út æðar, draga úr segamyndun og minnka bólgusvörun. Ef ríkulegt magn ómega-3 er til staðar eykst myndun á þessum eikósanóíðum.“ Sjá skýringarmyndmál um þetta hér.

Sumir velja að taka ómega 3-6-9 sem á að hafa hlutföllin jöfn, en það getur viðhaldið ójöfnum hlutföllum, ef ómega-6 er of hátt. Til að koma hlutföllunum í lag er því það mikilvægasta að koma auknu magni af ómega-3 í líkamann. Eqology býður upp á mælingu á ómega-3:6 gildunum svo fólk viti hvar það stendur. Sjá um það hér.

mikilvægt að fá ómega-3 sem er ríkt af DHA og EPA fitusýrum

Ómega-3 hefur verið gríðarlega mikið rannsakað og fjöldinn allur af rannsóknum hafa sýnt fram á mikilvægi þess fyrir margvíslega starfsemi líkamans. Það eru allavega 11 þekktar ómega-3 gerðir. Þrjár þeirra eru taldar mikilvægastar. Þær eru:
EPA (eicosapentaenoic acid), DHA (docosahexaenoic acid) og ALA (alpha-linolenic acid).

ALA er sú sem við fáum mest af úr matnum, aðallega úr jurtaríkinu. Líkaminn getur umbreytt henni í EPA og DHA sýrur en í litlu magni og þarf til þess ýmis steinefni og vítamín. En ALA er aðallega nýtt sem orkuefni. Það er því mikilvægt að líkaminn fái líka nægilegt magn af EPA og DHA úr sjávarmeti, og sjávargróðri fyrir vegan.

EPA og DHA finnast aðallega í sjávarmeti, bæði fiski og þörungum. Almennt er ráðlagt að fá 250-500 mg. samanlagt af EPA og DHA. Hærri skammtar geta verið ráðlagðir þegar um ástand eins og gigt, hjartasjúkdóma, krabbamein, þunglynd og kvíða, eða allt að 5000 mg. Sjá hér og hér.

Heilinn er 60% fita og DHA er algengasta fitusýran í heilanum. DHA er einnig ein mikilvægasta fitusýran í móðurmjólkinni en nýfædd börn þurfa á DHA að halda fyrir vöxt og þroska heilans og augnanna. Omega-3 fitusýrur virðast sérstaklega mikilvægar fyrir eðlileg tengingu taugafruma og boðflutninga í heilanum. DHA er einnig í háum styrk í sjónhimnu augans.

Magn ómega-3 EPA og DHA í blóðinu > 8%

Magn ómega-3 í blóðinu skiptir máli þegar kemur að heilsubótum þess. Rannsóknir benda til að hlutfalls ómega-3 EPA og DHA fitusýranna í blóðinu skipti máli fyrir heilsu. Dr. Bill Harris þróaði ómega-3 index fyrir um 17 árum sem er mæling á magni EPA og DHA í frumuhimnum rauðu blóðkornanna okkar. Rannsóknir benda til að fólk með hærra hlutfall lifir lengur og að best sé að það nái 8% eða hærra, sjá hér.

Niðurstöður úr Women’s Health Initiative rannsókninni eru á sömu leið, hærra hlutfall sjávarfitusýranna dró úr dauðsföllum, sjá hér.

Hér er rannsókn sem sýnir tengsl milli magns ómega-3 DHA og EPA fitusýranna og öldrunar heilans hjá miðaldra fólki. Lægra magn sýndi hraðari öldrun og hafði neikvæð áhrif á rúmmál heilans og æðakerfi.

Hér er rannsókn sem gefur vísbendingar um að mikilvægt sé að hlutfall ómega-3 EPA ogDHA sé yfir 8% til að hafa heilandi áhrif á hjartasjúkdóma.

Í mælingu EQOLOGY á er magn í blóði mælt. Sjá um það hér.

Hvað með ómega-9?

Ómega-9 getur líkaminn framleitt sjálfur þannig að við þurfum ekki að taka inn bætiefni með ómega-9, en það er þó talið mjög hollt fyrir líkamann, sérstaklega hjartað og kólesterólið. Ómega-9 fitusýrur eru t.d. í ólífuolíu, canola olíu, hnetuolíu og sólblómaolíu. Ólífuolía rík af ómega-9, er ríkur þáttur af miðjarðarhafsmataræðinu, sem algengt er að sé talið eitt það hollasta. Hér má lesa nánar um ómega-9.

Í EQOLOGY olíuna er bætt dálítið af lífrænni kaldpressaðri ólífuolíu, sem gerir að þeirra sögn fitusamsetningu olíunnar líka miðjarðarhafsmáltíð. Hér má sjá fallegt kynningarmyndband frá þeim um þetta.

áhrif á heilsu

Hér er grein af síðunni Healthline eftir Freydísi Hjálmarsdóttur næringarfræðing þar sem talin eru upp 17 heilsubótaráhrif sem rannsóknir benda til að ómega-3 búi yfir. Ég tel þau upp hér, en mæli með að kíkja á greinina.

Getur unnið gegn þunglyndi og kvíða
Bætt augnheilsu
Áhrif á heilaþroska barns á meðgöngu og fyrstu árin
Haft áhrif á hjartaheilsu; dregið úr magni þríglýseríða í blóði, aukið HDL (góða kólesterolið), dregið úr blóðþrýstingi, dregið úr blóðkekkjun, stuðlað að mýkt æðanna, dregið úr bólgum
Dregið úr einkennum ADHD hjá börnum
Dregið úr einkennum kviðfituheilkennis og insúlínmótstöðu
Unnið gegn þrálátum bólgum
Dregið úr áhættu á sjálfsónæmissjúkdóma
Haft bætandi áhrif á geðraskanir og jafnvel dregið úr ofbeldishegðun
Dregið úr líkum á heilahrörnunarsjúkdómum eins og Alzheimer
Haft fyrirbyggjandi áhrif gagnvart krabbameini
Dregið úr asthma í börnum
Dregið úr fitu í lifur fólks sem ekki eiga við alkóhólisma (NAFLD)
Styrkt beinin og bætt liðamótin
Dregið úr tíðaverkjum, jafnvel öflugra en Ibúfen
Bætt svefninn, DHA hefur áhrif á melatónin framleiðslu
Gott fyrir húðina; fyrir raka og mýkt, dregið úr bólum (acne) og áhrifum öldrunar á húðina

Eq ómega-3 Pure arctic olía

EQOLOGY olían hefur reynst mér svo vel að ég get ekki annað en deilt kostum hennar með öllum sem hafa áhuga. Ég hef tekið þessa ljúffengu olíu í tæp 2 ár og hlakka alltaf til taka hana inn á morgnana – Það hef ég ekki upplifað áður með lýsi eða ómega bætiefnin sem ég hef notað. Hún er alveg bragðlaus utan smá sítrónukeims (eða appelsínu) – rennur ljúflega niður – og tilvalið að láta hana leika aðeins um tannholdið áður en kyngt er.

Fyrirtækið vinnur út frá því konsepti að selja 6 mánaða áskrift og segja að þannig sé hægt að bjóða betra verð og fría blóðprufu – og að það sé ekki þess virði að splæsa í svona góða olíu nema að þú ætlir að gefa því tíma að finna árangurinn.

Eitt af því sem ég er hrifin af hjá EQOLOGY er að pakkanum fylgir mæling á hlutföllum ómega 3:6 og magni í blóðinu, svo hver einstaklingur getur glöggvað sig á sinni eigin stöðu. (sjá um það hér að neðan)

Ómega 3 og ómega 6 fitusýrur eru lífsnauðsynlegar, líkami okkar getur ekki framleitt þær og verður að fá þær úr fæðunni eða bætiefnum.

Panta Eqology vörur Hér getur þú pantað í gegnum Heilsuhönnun

ÓMEGA 6:3 blóðprufa

Við erum öll ólík og borðum mismunandi, svo það er erfitt að vita hvort og hvað mikið af ómega bætiefni hver þarf að taka. Vísbendingar eru um að ómega-3 þurfi að mælast yfir 8% í blóðinu til að heilsubætandi áhrifin skili sér (sjá t.d. hér) og mikilvægt sé að hlutföll ómega-6 og ómega-3 séu sem jöfnust, á bilinu 1-3:1 (ómega 6:3). (sjá t.d. hér).

Eqology býður upp á blóðprufu sem mælir magn ómega-3 í blóðinu og ómega 6:3 hlutföllin.Út frá niðurstöðum er hægt að komast að því hvort nægilegt magn ómega-3 sé í mataræðinu eða hvort þurfi að auka það, og stilla mataræði og lýsisinntöku til að ná gildinum á sem bestan stað og halda þeim þar. Slíka mælingu er enn ekki hægt að fá á Íslandi. Prófið er tekið í upphafi og svo aftur eftir að olían hefur verið tekin inn í 5 mánuði – rauðu blóðkornin endurnýjast á 120 daga fresti – og þá er hægt að sjá breytingarnar eftir inntöku á olíunni, sem eru yfirleitt mjög miklar. Hér er slóð á myndband um prófið.

Í dag eru ómega 6:3 hlutföll vesturlandabúa að meðaltali 10-30:1. (sjá hér)

Það þýðir að stór hluti fólks hefur allt að 30 sinnum meira af fitusýrum sem ýta undir bólgumyndun en þeim sem draga úr bólgumyndun! Það eykur líkur á langvarandi bólguástandi, sem er talið undirliggjandi orsök margra nútíma sjúkdóma eins og hjarta- og æðasjúkdóma, sykursýki, asma- og ofnæmissjúkdóma, gigtarsjúkdóma og heilabilunar.

Einföld fingurstunga

Prófið er svokallað þurrpróf, stunga í fingur og 2 blóðdropar látnir falla á þar til gerðan pappír og sent út á VITAS, norska óháða rannsóknastofu.

Hér að neðan má sjá dæmi um blóðmælingar einstaklings sem hafði verið að taka ómega-3 bætiefni, en var samt ekki að fá sérstaklega góðar niðurstöður úr blóðmælingunni í byrjun. Eftir að taka Eqology olíuna í 6 mánuði voru niðurstöðurnar orðnar alveg glymrandi fínar.

Efri hluti myndar sýnir prósentutölu omega 3 í blóðinu – stefnan að koma henni yfir 8.
Neðri hluti myndar sýnir hlutföll omega 3 og omega 6 í blóðinu – stefnan að ná henni niður í 5:1 og helst um eða undir 3:1.

Mæling fyrir Eqology

Mæling eftir 6 mánuði á Eqology olíunni.

MIKILVÆGI FERSKLEIKA - TOTOX gildi / þránunarstuðull

Eitt af því sem þarf að hafa í huga varðandi fiskiolíu er ferskleiki. Fiskiolía er mjög viðkvæm vara, full af löngum fjölómettuðum fitusýrum og þránar auðveldlega. Engar íslenskar reglur eru til um leyfilega þránun en í gæðastöðlum alþjóðaheilbrigðis-stofnunarinnar um fiskiolíur er miðað við svokallaða ToTox gildi (Total Oxidation / heildarþránun) sem er reiknuð út frá magni efnanna peroxide (PV) og p-anisidine (AV) í olíunni (út frá formúlunni 2xPV+AV) og er miðað við að hún fari ekki yfir 26.

Það er tekist á um hversu skaðleg þránuð olía sé heilsu fólks en margar vísbendingar eru um að hún hafi neikvæð áhrif á heilsuna og heilsubótaráhrif omega-3 olíunnar. Sjá hér og hér.

Það er því vert að vanda valið og velja ferska og vandaða olíu með sem lægstu ToTox gildi.

Það er ekki algengt að fyrirtæki gefi upp ToTox gildin og getur verið erfitt fyrir neytandann að vita hvert gildið er, en fiskilykt og fiskibragð gefur til kynna þránun – fersk olía er tær og hlutlaus á bragðið. Ef olían er í hylkjum getur verið erfitt að meta þránun því þá finnst ekki lykt og bragð. Þá er gott ráð að taka eitt hylki og opna til að finna lykt og bragð til að ganga úr skugga um ferskleika. Eins skiptir máli að olían sé í dökkri flösku, að hún sé geymd í kæli eftir opnun og ekki geymd of lengi eftir opnun (algengt að ein flaska dugi í mánuð við daglega inntöku).

TOTOX gildi Eqology olíunnar er 4-6, sem er með því lægsta sem gerist. Fiskurinn er veiddur á miðunum fyrir utan Ålesund í Noregi og unnin um borð í bátunum strax og hann kemur upp úr sjónum. Fiskimiðin eru í innan við 6 klst. fjarlægð frá Ålesund bænum þar sem verksmiðjan er, svo hráefnið kemst fljótt í áframhaldandi vinnslu.

Dásamleg á bragðið!

Þar sem olían er fersk og með lágt ToTox er hún bragðlaus.

„Ég get bara ekki þetta fiskibragð“, er algeng ástæða þess að fólk tekur ekki lýsi eða fiskiolíu. Það átti svo sannarlega við um mig. Þetta er fyrsta fljótandi fiskiolían sem ég hef tekið inn sem mér finnst – ekki bara þolanleg – heldur ljúffeng á bragðið, og nú veit ég hvað veldur; ferskleikinn – nánast engin þránun farin að myndast. Ég get notið þess að finna hana renna niður og smyrja allt vel og vandlega. Enda er olían vottuð með 2 af 3 stjörnum fyrir bragð og áferð í Superior Taste Award (sem jafnast á við Michelin stjörnur í veitingarekstri).

DHA og EPA fitusýrur og “full spectrum olía”

Tilgangur þess að taka inn fiskiolíu er að fá nægilegt magn af löngu heilnæmu EPA og DHA fitusýrunum sem líkami okkar getur ekki framleitt sjálfur, og það er gott að hafa þau gildi í hærri kantinum í því ómega bætiefni sem valið er. Eqology olían er há í þessum mikilvægustu ómega-3 fitusýrum.

Annar kostur er að hún er unnin úr öllum fiskinum (nema flökunum) og er fljótandi, þannig að:

hún býr yfir öllum þeim fitusýrum sem í fiskinum finnast, líka þeim sem við höfum ekki enn skilgreint enn sem mikilvægar.
Annar kostur er að það er ekki búið að eiga við olíuna efnafræðilega til að gera magn EPA og DHA fitusýranna hærra, sem er oft gert þegar hún er í hylkjum til að koma meira magni af þeim fitusýrum í lítil hylki.
Ekkert annað fylgir eins og gelatín þegar hylki eru tekin inn.
Með fljótandi olíu er hægt að fylgjast vel með ferskleika olíunnar, fiskibragð er merki um þránun.
Fljótandi olía kemst næst því að borða fisk.

Hér er hægt að fá aðgang að heilsufræðslu aðalspekúlantanna hjá Eqology um mikilvægi ‘full spectrum’ olíu, þ.e. olíu sem hefur í sér allar þær olíukeðjur sem eru í fiskinum frá náttúrunnar hendi. Það þarf að skrá netfang og nafn og þá kemur eins og maður sé að fara inn á ‘live” webinar, en þetta er upptaka. Hér er slóðin.

Hér fyrir neðan eru skjáskot úr fræðslunni sem sýnir fjölda fitukeðja í olíunni.

Lífræn ólífuolía frá Krít

Í olíuna er bætt hágæða lífrænni kaldpressaðri ólífuolía sem bætir ómega-9 einómettuðum fitusýrum og pólýfenólum við næringuna sem eru líka öflug efni til verndar hjartanu og gegn bólgum. Þó líkaminn geti framleitt ómega 9 er mjög hollt og gott að bæta þeim við. Hér má lesa umfjöllun um heilsubætandi áhrif ólífuolíu.

vottanir

Mér finnst mikilvægt að olían sé hrein og góð og að fyrirtækið hafi umhverfisvæna sýn. Allt sem ég hef séð frá þessu fyrirtæki bendir til þess að sú sýn sé góð.

Eqology olían er hreinsuð af þung-málmum, örplasti og öðrum skaðlegum efnum og er á vottuð af CologneList yfir hreinar vörur án skaðlegra innihaldsefni.

Eqology gefur sig út fyrir að vera með sterka umhverfisstefnu. Það er 100% nýtingu á afurðinni. Olían er búin til úr öllum afgangi fisksins þegar búið er að vinna fiskflökin, þannig að engu er hent. Úr þurrefninu sem eftir er, þegar búið er að pressa olíuna, eru búnar til fóðurkúlur til notkunar í eldi. Eqology er með MSC vottun um sjálfbærar veiðar og FSC vottun um sjálfbærar pakkningar. Fyrirtækið notar endurunnið efni sem aftur er hægt að endurvinna. Hér er slóð á vefbækling um stefnu þeirra.

Og hér er umfjöllun á vefsíðunni þeirra.

rekjanleiki

Það er hægt að skanna QR kóða á hverri olíuflösku til að sjá hvar fiskurinn í henni var veiddur.

Eqology veiðir allann sinn fisk á miðunum við Ålesund innan við 6 klst. frá verksmiðjunni þar sem olían er unnin.

Það er 14 daga skilafrestur og endurgreiðsla á öllum kaupum. Það skiptir máli að geta skilað ef fólk vill hætta við, eða líkar ekki við vöruna. Póstkostnaður við endursendingu lendir þó á kaupanda.

Frásagnir frá fólki sem tekur inn EQ Pure Arctic olíuna

Nokkrar árangursmyndir frá Guðrúnu Bjarnadóttur, snyrtifræðingi

Eqology vörur eru seldar í svokallaðri tengslamarkaðssetningu, hér er umfjöllun um að frá þeim. Þar sem reynsla mín af Eqology olíunni er svo frábær og öll þjónusta fyrirtækisins hefur verið til fyrirmyndar skráði ég mig sem söluaðila hjá þeim þannig að mínir skjólstæðingar geti pantað í gegnum mig.

Þú getur pantað hvaða vörur sem þú vilt í gegnum Eqology slóð Heilsuhönnunar. Þú bara setur vörur í körfuna og svo þegar þú vilt fara í “checkout” kemur gluggi eins og á myndinni hér til hliðar og þú þarft að skrá þig.

Ég bendi á stefnu Eqology að selja olíuna í 6 mánaða áskrift, því það er sá tími sem líkaminn þarf til að koma ómega gildunum á góðan stað – ég er sammála því, þetta er of dýr vara til að kaupa bara eina eða tvær flöskur sem gera takmarkað gagn.

Ekki hika við að hafa samband ef þú vilt hjálp við að panta. Þú getur sent póst á soley@heilsuhonnun.is eða hringt mig í 698 4300. Ef þú pantar olíu geturðu komið við í Heilsuskúrnum hjá mér og fengið blóðmælingarpakka og aðstoð við að taka prufuna ef þú vilt.

Það er líka hægt að koma við hjá Jórunni í Heilsumiðstöð Reykjavíkur á Suðurlandsbraut 30, til að taka prófið, bara heyra í henni á undan til að finna tíma – í s. 8634789 eða senda tölvupóst: reykjavik@heilsumidstod.is

Ég set hér fyrir neðan slóð beint á þær vörur sem ég hef notað og get mælt með.

Eqology lemon olía +K2

Þetta er sú olía sem ég nota og finnst æðisleg. Ég kaupi K2+D3 vítamín með, sem eru bæði efni sem eru mjög mikilvæg fyrir líkamann og eru á fínum kjörum í pakkanum, engin sendingar kostnaður í þessum pakka. Þetta er 6 mánaða áskrift.

Panta olíu og K2+D3

Eqology lemon olía

Olían án K2+D3 vítamíns. ATH það bætast um 7 € í sendingarkostnað hér. Þetta er 6 mánaða áskrift.

Panta olíu

Eqology lemon olía -6 mán skammtur

Sumir vilja bara kaupa 6 mánaða skammt og sleppa við að fara á pósthúsið að sækja flösku mánaðarins. Þá er þessi pakki tilvalinn, 7 flöskur á einu bretti.

Panta 7 flösku kassa