átta vikna
Valdeflandi
netnámskeið
Það skiptir sköpum
að skilja verkina
til að geta skilið við þá!
Það skiptir sköpum að skilja verkina
til að geta skilið við þá!
„Faglegt og hvetjandi námskeið. Einstaklega vel heppnað. Ég hef verið inn í Virk í rúmlega ár og hef ekki farið á svona gott námskeið um nákvæmlega þetta viðfangsefni með þessari nálgun.“
Ert þú að glíma við langvinna verki eða einkenni sem draga úr lífsgæðum þínum?
- Ertu búin að prófa allskyns líkamsmeðferðir án árangurs?
- Er búið að mynda verkjasvæðið án þess að afgerandi skýring fáist annað en slit?
- Eru verkirnir óreglulegir?
- Byrjuðu einkennin án áverka í upphafi?
- Hefurðu fengið greiningu sem tengist taugakerfinu, t.d. vefjagigt eða iðraólgu?
- Ertu verri þegar streita er til staðar?
- Hefurðu tilhneigingu til að hafa áhyggjur eða kvíða?
- Gerirðu miklar kröfur til sjálfs þín?
Á aðeins átta vikum getur þú haft umbreytandi áhrif á heilsu þína og líf.
Þú getur lært að skilja verkina út frá nýjustu taugavísindum og tileinkað þér öflugar og gagnreyndar aðferðir til að gjörbreyta sambandi þínu við verkina, draga verulega úr þeim eða jafnvel skilja við verkina og lifa til fulls!
Í hnotskurn
Skiljum (við) verkina er valdeflandi og nærandi námskeið fyrir fólk sem glímir við langvinna verki og hefur áhuga á að fræðast um samband heilans og verkja, og um taugamótaða verki. Ásamt því að læra hugrænar aðferðir til að rjúfa þrálát verkja- eða einkennamynstur og skapa ný heilandi og heilsuvæn mynstur.
Yfirskrift námskeiðsins er orðaleikur sem vísar annars vegar til þess hve mikilvægt og valdeflandi það er að skilja hvað verkir og verkjaboð eru hægt sé að skilja við verkina og lifa verkjalausu lífi.
Efnið byggir á gagnreyndum aðferðum
Verkja-endurferlun / PRT
Jákvæðri
sálfræði
Heilsumarkþjálfun og markþjálfun
Jóga og
jóga nidra
Á námskeiðinu lærir þú
- um að allir verkir eru raunverulegir og aldrei 'bara í huganum'
- um sambandi heilans, taugakerfisins og verkja
- um verki, langvinna verki og taugamótaða verki
- um tilfinningar og mátt hugans
- aðferðir byggðar á taugavísindum til að endurþjálfa heilann þinn og endurstilla taugakerfið
- hagnýtar aðferðir jákvæðrar sálfræði til að bæta eigin líðan og hamingju
- að greina gildi þín, styrkleika og sýn
- að efla samkennd þína í eigin garð
- um öndun og hagnýtar öndunaraðferðir
- um bandvefinn, þyngdaraflið og hreyfingu
- um heilsueflandi lífsstíl
Hæ, við heitum Sóley og Edda Björk
Við höfum báðar farið í gegnum erfiðar heilsuáskoranir og áföll og glímt við langvinna verki sem við töldum okkur þurfa að lifa með.
Þau fræði og aðferðir sem við miðlum á námskeiðinu Skiljum (við) verkina komu okkar út úr langvinnu verkjamynstri og til góðrar heilsu. Í dag lifum við verkjalausu lífi, lausar við óttann og óvissuna sem fylgir langvinnum verkjum.
Viðfangsefni námskeiðsins er okkur því hjartans mál, en við eigum það einnig sameiginlegt að hafa farið í gegnum fjölbreytt nám tengt heilsueflingu og vellíðan og unnið að margskonar verkefnum því tengt.
Vertu velkomin/n/ð á námskeiðið ef þetta er eitthvað fyrir þig!
Fyrirkomulag
- Þú stýrir ferðinni og getur farið í gegnum námskeiðið á þínum forsendum
- Í hverri viku er fræðslufyrirlestur með litríku myndefni og vísunum í fjölbreytt fræðslumyndbönd
- Í hverri viku færðu valdeflandi verkefni og leiddar hugleiðslur, eftir því sem við á
- Þú hefur aðgang að fyrirlestrunum í 6 mánuði og getur hlaðið niður öllum verkefnum og stuðningsefni til að eiga ótímabundið
- Við bjóðum upp á mánaðarlega opna Zoom fundi þar sem hægt er að spyrja og spjalla við okkur
Við bjóðum 20% afsláttur fyrir fólk á örorku og endurhæfingarlífeyri, sendu okkur tölvupóst með nafni ef það á við um þig.
Við minnum á að mörg stéttarfélög niðurgreiða námskeið sem eru tekin til sjálfsstyrkingar, forvarna eða endurhæfingar. Við vitum að þátttakendur okkar hafa fengið styrk fyrir námskeiðinu. Kannaðu þinn rétt hjá þínu stéttarfélagi.
Ef þú vilt aukinn stuðning er alltaf möguleiki að bæta við einkatímum hjá Sóley í PRT verkjaendurferlun og heilsumarkþjálfun og hjá Eddu í markþjálfun með áherslu á jákvæða sálfræði.
Við bjóðum upp á viðtöl bæði á stofu í Shalom, Þverholti 14, 105 Rvk og á fjarfundi, eftir því sem hentar.
"Real change, enduring change, happens one step at a time."